جرّب كيف تخون الليل

جرّب كيف تخون الليل

ماشي قد صفي دلك
مكانك تختبي في ظل آسارك
ولما تجتبيك الشمس تتقدم
تحك رأسك
وتتهيب من اللفحة
وتشكي للغروب حالك
طول عمرك ربيع الظل
تأكل من سنام الهيج
وتضفع وسط منوارك
كفاك الذل من خيبات مشوارك
جرب كيف تخون الليل
وتكتب من عبير الزهر عنوانك

تداري حرجك المزمن
وترمي للزمن هالة من أهوالك
ولا مرة صدق ظنك
ولا بان الشفق من فوق محرابك
ولا لانت لك الأيام
أو هبت لك النسمة
ولا حطت حمام الدور
مرة فوق أغصانك

ولا تركن يجيك الشور من جارك
عسى ينثر من الغيمة على دارك
تلطى جنب ذاك الحيد لاجارك
كما لو ساعة الطوفان ترثى لك

تذكر حلمك المفتول بالدمعة
تذكر جرحك النازف بلا رحمة
تذكر كل هذا الطيف
من أشواقك الجمة
ووحدك أنت من تنسج
خيوط الشمس آمالك

د. عبدالله عوبل
25/8/2023